HALIMA JAMES MDEE AFUNGUKA MAZITO

MBUNGE wa Jimbo la Kawe jijini Dar na

Mwenyekiti wa Baraza la Wanawake wa Chama

cha Demokrasia na Maendeleo (Bawacha),

Halima James Mdee ambaye aliwekwa

Mahabusu ya Gereza la Segerea, Dar kwa saa

kumi na mbili amesimulia mambo matano

mazito aliyokumbana nayo hali iliyomfanya

atokwe machozi.

Mbunge wa Jimbo la Kawe jijini Dar

na Mwenyekiti wa Baraza la

Wanawake wa Chama cha

Demokrasia na Maendeleo

(Bawacha), Halima James Mdee.

Akizungumza na mwandishi wa habari hii

mwishomi mwa wiki iliyopita, Mdee licha ya

kuponda utendaji kazi mbovu wa serikali

kuhusu mahabusu, aliyataja mambo hayo kama

ifuatavyo:

HAUSIGELI NA KESI NDOGONDOGO

Alisema alipofika mahabusu aliwakuta

wasichana wadogo ambao baadhi yao ni

mahausigeli wakamlalamikia kwamba wamekaa

ndani kwa muda mrefu bila kesi zao kusikilizwa.

Alisema kwa uchunguzi wake alibaini kuwa

wasichana hao wa kazi za ndani, kesi zao

zilifunguliwa kwa kubambikwa na mabosi wao

pale wanapodai malipo, hivyo wao husingiziwa

wizi au kosa lolote.

UBOVU WA CHAKULA

Pia Mdee alisema chakula cha mahabusu

hakiridhishi kutokana na kupikwa bila kiwango

na kuwa na michanga, wakati mwingine hakiivi.

MAHABUSU KUKAA MUDA MREFU

BILA KESI KUSIKILIZWA

Jambo jingine alilodai kukumbana nalo Segerea

ni mahabusu kukaa kwa muda mrefu kati ya

miaka 4 hadi 7 bila kesi zao kusikilizwa kwa

kisingizio cha upelelezi kutokamilika.

MACHANGUDOA KUWASHAWISHI

MABINTI

Katika sakata lingine, Mdee alisema wanawake

wengi waliokamatwa kwa makosa ya kujiuza

usiku (machangu) wanaopelekwa mahabusu

wamekuwa wakiwashawishi wasichana wadogo,

hasa mahausigeli wanaofikishwa humo.

“Wasichana hao huwashawishi mahausigeli kiasi

kwamba wanapotoka mle mahabusu na wao

wanakwenda kujihusisha na ukahaba na

biashara ya madawa ya kulevya kwa vile baada

ya kutoka hawapewi nafasi na mabosi wao

kuendelea na kazi,” alisema Mdee.

MAHABUSU WA KIKE KUADHIBIWA

NA ASKARI WA KIUME

Jambo lingine aliloligundua Mheshimiwa Mdee

ni kitendo cha askari wa kiume kutoa adhabu

kwa maabusu wa kike badala ya kuadhibiwa na

wanawake wenzao kitendo ambacho alisema

kimekuwa kikiwadhalilisha mahabusu hao.

Hata hinyo, Mdee alimuomba Waziri wa Sheria

na Katiba, Asharose Migiro kuanzisha utaratibu

wa safari za kushtukiza magerezani na

kuzungumza na mahabusu ili kusikiliza kero zao

na kuzitatua.

Jumanne iliyopita, Mdee alifikishwa katika

gereza hilo saa 11 jioni ambako alilala hadi

kesho yake saa 1 asubuhi kwa madai ya

kufanya maandamano haramu kwenda Ikulu ya

Dar.